Թեյը կօգնի ուռած ոտքերի դեպքում. 168.am

Ոտքերի ուռածությունն արյան վատ շրջանառության և երակային անբավարարության նախնական նշան է: Կան բազմաթիվ պատճառներ, թե ինչո՞ւ է այս առողջական խնդիրն ի հայտ գալիս մարդկանց մոտ: Դրանցից են՝ մարմնի ավելորդ քաշը, աղով հարուստ սննդակարգը, հղիությունը, երկարատև նստած կամ կանգնած մնալը:

Այնուամենայնիվ, կան մի քանի մեթոդներ, որոնք կօգնեն կանխարգելել ոտքերի ուռածությունը.

•     պառկած ժամանակ ոտքերը բարձրացնել սրտից վեր,
•     ոտքերի մարզանք կատարել,
•     կարգավորել սննդակարգը, կրճատել աղը,
•     խուսափել կիպ հագուստներ կրելուց,
•     մաղադանոսի թեյ խմել:

Մաղադանոսի թեյ խմելն, իսկապես, կարող է օգնել ազատվել ոտքերի ուռածությունից, քանի որ այս խոտաբույսը պարունակում է բազմաթիվ սննդարար տարրեր: Մաղադանոսի մեկ այլ օգտակար հատկանիշը միզամուղ հատկությունն է,  որի շնորհիվ օրգանիզմից դուրս է գալիս ավելորդ հեղուկը:

Ինչպե՞ս պատրաստել թեյը

Մաղադանոսի արմատներն ու տերևները մանր կտրատել: 5 թեյի գդալ մաղադանոսը  եռացնել կես լիտր ջրի մեջ՝ 5 րոպե: Ապա թողնել 20 րոպե և սառեցնել: Եռացրած մաղադանոսը քամել: Ստացված թեյի մեջ կարելի է մի քիչ կիտրոնի հյութ ավելացնել՝ համը հարստացնելու համար:

Օրական 3 անգամ խմել այս թեյը՝ լավագույն արդյունքի հասնելու համար:

Հարցեր, պատասխաններ, մեկնաբանություններ